تجربة طالب في الدراسة المزدوجة

نعرض اليكم بعد اراء طلابنا السوريين المشاركين في التدريب المهني والتعليم المزدوج للمهن
سيكون هنالك سلسلة للمهن حسب آراء السوريين
#من_خبراتنا
المهنة رقم  هندسة كهربائية
(Duales Studium) #Elektrotechnik
انا اللي دلني على الدوال شتوديوم صديق الماني بصراحة و بلشت اسأل عن الموضوع أنا… بلشت دور عمواقع النت اللي بدور فيا الواحد على شغل و ابحث عن الدوال شتوديوم و بلشت قدم عالشركات اللي بالمنطقة اللي حواليي .. اجاني اكتر من مقابلة بفضل الله و اعتمدت بعدين على شركة ارتحت بمعاملتن و وقعت معاهن… العقد بكون عبارة عن عقد مدتو 4 سنين و نص اول سنتين و نص لازم يكون الاوسبيلدونغ منتهي و الدراسة طبعا ماشية من اول سنة .. بأول سنة غالبية الشركات بيبعتو الطالب على شي اسمو Lehrwerkstatt بيتعلم فيها مبادئ المهنة .. و بعدا بداوم بالشركة دوام عادي متلو متل أي عامل … بالنسبة للجامعة عبارة عن دوام مرتين بالشهر الطالب عليه انو يدرس 70% من المنهاج لحالو و هاليومين بكونو ازا الواحد عندو اسئلة للدكتور و حل وظايف بشكل عام .. الدوال شتوديوم ما بقدر قول انو صعب على قد مانو مجهد و متعب لانو خلال اول سنتين و نص لازم يدرس الطالب للجامعة و لل Berufsschule و لل Lehrwerkstatt … انا عم ادرس Elektrotechnik و الاوسبيلدونغ Elektriker für Betriebstechnik.
طبعا يشترط للمتقدم انه يكون معه ابيتور مقبولة بالجامعات
ومستوى اللغة C1 Hochschule او ما يعادلها