أوسبيلدونغ مدير بالقيادة (Fahrlehrer)
نظرآ لأنو المعلومات جدآ قليلة عن هالأوسبيلدونغ .. و أكترها مو دقيقة و فيها كتير أغلاط
رح أحكي بتفصيل أكتر عن هالأوسبيلدونغ
( أنا صارلي شهرين بالأوسبيلدونغ )
بداية رح أقوللكم ميزات الأوسبيلدونغ ..
أولآ الوظيفة جدآ جدآ جدآ مطلوبة .. و راتبها عالي جدآ .. و مدة الأوسبيلدونغ قصيرة مقارنة مع باقي الوظائف
مناسب جدآ لكبار السن
و كشخص متكلم باللغة العربية .. فأنت شخص مطلوب من كل مدارس القيادة
شروط القبول باختصار
١- شهادة abitur أو ما يعادلها من شهادة خارجية ( أنا كان معي بكارلوريا من سوريا ) … أو شهادة أوسبيلدونغ ألمانية سابقة
٢- مستوى لغوي كافي b2 فما فوق .. حسب كل مقاطعة .. أنا بمقاطعتي طلب مني C1
٣- العمر لا يقل عن ٢١ سنة
٤- شهادة قيادة سارية المفعول منذ ٣ سنوات
٥- شهادة قيادة BE ( شهادة السيارة مع مقطورة )
٦- شهادة حسن سلوك من البلدية .. و شهادة سجل النقاط من فلنسنبورغ
تمويل الأوسبيلدونغ
إما عن طريق الجوب سنتر .. أو قرض من البافوغ
مدة الأوسبيلدونغ
8 أشهر دوام بالمعهد .. ثم الفحص الكتابي و الشفهي
+
4 أشهر على الأقل دوام في مدرسة القيادة .. ممكن أن تصل مدتها حتى سنتين كحد أقصى ثم فحص آخر ( للدروس العملية و النظرية )
الصعوبات يلي ممكن تواجهها بهالأوسبيلدونغ .. هي السرعة بالاعطاء .. يلي ممكن تأثر على الاستيعاب
هالشي بسبب انو الطلاب مستواهم التعليمي عالي ( لأنو أغلب الطلاب معهم أوسبيلدونغ سابق ) و مستواهم اللغوي عالي + أعمار الطلاب كبيرة نوعآ ما
و بسبب مدة الأوسبيلدونغ القصيرة
رواتب الوظيفة بعد انهاء الأوسبيلدونغ
حسب كل مقاطعة ( وسطيآ 16 __ 18يورو) لكل حصة 45 دقيقة
Leave a Reply