معدل: شرح خطوة بخطوة تعديل الشهادة المهنية

تعديل الشهادات للمعاهد المتوسطة
شهادات المعاهد المتوسطة مدة الدراسة سنتين او ثلاث سنوات لايمكن تعديلها عن طريق Schulamt ويتم تعديلها عن طريق IHK وهي وكالة الصناعة والتجارة المسؤولة عن الجانب النظري بكل فروع الأوسبيلدونغ وهي الجهة المسؤولة عن الإمتحانات والشهادات بكل فروع الأوسبيلدونغ.
الأوراق المطلوبة
1 نسخة عربي مختومة نسخة طبق الأصل والأفضل تكون مصدقة خارجية وترجمتها للألماني بتصور نسخة عربي ونسخة ألماني وبتروح على مكتب Ortsgriecht بمنطقتك بالعادة بكون بالبلدية وبتعمل للنسخ Beglaubigung طبعا الموظف لازم يشوف النسخة الأصلي وبيختملك عالصورة في دوائر تانية كمان تعمل Beglaubigung متل DAK او Aoka وبياخدو عالنسخة تقريبا 3 يورو
2 صورة عن الهوية والجواز الألماني
3 كشف علامات لجميع سنوات الدراسة مترجم ومصدق وبتعملو كمان Beglaubigung
4 توصيف مواد مترجم مو اجباري ولكن افضل حتى يكون عندن لمحة كاملة عن دراستك
5 شهادات خبرة ان وجدة من الشركات يلي اشتغلت معها بسورية وطبعا بترجمن الماني ويفضل يكون للشركات موقع عالانترنت
6 شهادات أخرى اي شي عاملو بحياتك وفيو شهادة لغة انكليزي الماني- كمبيوتر- مهارات تواصل- كورسات ادارة -هلال أحمر اي شي
7 الفروع الهندسية اذا بيتوافر عندك نسخة او سيدي عن مشروع التخرج بالإنجليزي بكون ممتاز
8 طلب تعديل الشهادة 7 صفحات رح نزل الرابط الخاص بتطبعو وبتعبي كل البيانات والافضل يساعدك شخص اكاديمي يعني ماتطلب من الهاوس مايستر يعبيلك ياها لانو هي معادلة رح تحدد مستواك طول عمرك
http://www.ihk-fosa.de/fileadmin/ihk-fosa/Dateien/Antragsformular/Hilfe_zum_Ausfuellen_des_Antragsformulars.pdf
طريقة تعبئة الطلب
صفحة 1 معلومات شخصية وبيانات الأتصال
صفحة 2 اسم الأوسبيلدونغ يلي بترغب التعديل لالو واسم الشهادة يلي معك ومدة الدراسة والمؤهل السابق بعني اسم البكالوريا يلي معك
كيف منقدر نحدد شو هو الأوسبيلدونغ يلي رح نعدل عليه الشهادة ؟؟
بتبحث بفروع الأوسبيلدونغ وبتشوف شو هو اقرب فرع لدراستك ولخبرتك العملية وهاد الكتاب ممكن يساعدك Beruf Aktuell Lexikon der Ausbildungsberufe بتلاقي ب Bundes Agentur für Arbeit
صفحة 3 جميع خبراتك العملية مفصلة المدة والمسمى الوظيفي وطبيعة العمل والمهام وبيانات الشركة والدورات التدريبية يفضل ترفق الشهادات من الشركات ومراكز التدريب
صفحة 4 خبراتك الدراسية البكالوريا والمعهد المتوسط ودورات اللغة بمافيهم الالماني
صفحة 5 وصفحة 6 كلن حطن Nein
نهاية صفحة 6 عنوان تاريخ توقيع
صفحة 7 العنوان يلي بترسل عليه كافة الأوراق
IHK FOSA
Ulmenstraße 52g
99443 Nürnberg
المعادلة
معدل التخرح وكمية الخبرة العملية والشهادات بيلبعو دور كبير بالمعادلة التامة
في شي اسمو معادلة نسبية 50% او 70% لما يصير هيك بيشرحولك كيف تكمل النسبة الناقصة عندك غالبا عن طريق براكتيكوم او اوسبيلدونغ مع تخفيض المدة
التكلفة والتمويل
التكلفة تتراوح بين 300 الى 600 يورو
التمويل قبل ماتبعت الاوراق بتروح على Bundes Agentur für Arbeit الموجود بمنطقتك بتسأل عموظف Anerkennungsberater bei IQ هاد الموظف بيعطيك ورقة اسمها Anerkenntnis Bedarfsbestätigung طبعا بعد ماتفرجي كل الأوراق يلي معك وبتاخد هالورقة وبتقدمها للجوب سنتر بيبعتولك رسالة اسمها Anerkennung Kosten annehmen يعني هنن مستعدبن بدفعو اجور التعديل قبل ماتستلم الشهادة بتبعتلك IHK الفاتورة بتاخدها للجوب سنتر بحولولك المبلغ وانت بترجع بتحولو لل IHKوبتاخد ايصال التحويل وبتسلمو للجوب سنتر بعد بفترة احتمال توصل لل 6 شهور او اكتر بيبعتولك الشهادة معدلة ومعها اوراق بتبينلك المجالات يلي ممكن تكمل فيها بالجامعة او Weiterbildung
كل ماذكر كلام عام وكل اختصاص الو حيثيات مختلفة لما بتروح لعند مستشار التعديل ب IQ هو بيشرحلك عن شهادتك وفرص التعديل

Be the first to comment

Leave a Reply

Your email address will not be published.


*