كيف تجري امتحانات طلاب Informatik

لح احكيلكم بعض المعلومات المتعلقة بالفحص النهائي للفروع المتعلقة بالـ Informatiker ويلي هنن :
Fachinformatiker SI , AE
IT-System-Elektroniker
IT-System-Kaufmann
Informatikkaufmann
انت كـ طالب اوسبيلدونغ لتقدر توصل للامتحان النهائي المتعلق بهالفروع
لازم اول شي تحضر كل دروس النظرية و العملية وتقدم امتحان Zwischenprüfung
بس تحقق هي الشروط بصير بحقلك تترشح للإمتحان النهائي يلي هو Abschlussprüfung
Abschlussprüfung بينقسم لقسمين
يلي هو امتحان كتابي Schriftliche Prüfung
و الشفهي ويلي هو Mündliche Prüfung
طبعا الكتابي متل ما منعرف هو فحص من 100 علامة لكل المواد يلي درستها بامتحان واحد باسئلة متنوعة
بالدروس الخاصة بالمدرسة وبيختبروك فيها ولتنجح لازم تحقق نسبة 50 % يلي هية تقيم بمستوى 4
اما الشفهي فهو كما يسمى بالمشروع Betriebliche Projektarbeit
بينقسم لقسمين
1. تحضير مشروع تخرجي بيخص العمل بشركة يقدر ب 40 صفحة بتشرح من خلاله جميع ما يتعلق بالمشروع
وبيتم ارساله لموقع النقابة برقم خاص فيك ليقومو المختصين بدراسته وتاكد من محتوى معلوماتك
طبعا كل شي بخص المشروع لازم تكون مهتم من ترتيب و كلمات اختصاصية و تنسيق كامل وفهرس مبسط ومشروح و ترتيب وكل هالامور
2. العرض او ما يسمى بالـ Präsentation وهو
انو بيتم دعوتك لتجي تحكي عن المشروع تبعك وتشرحو بعد ما تكون ارسلتو من مدة شهر ومدة العرض يلي بدك تقدمو عن مشروعك 15 دقيقة لتحكي اهم النقاط وشو بيميز مشروعك وليش اخترتو وتحكي عن اهم النقاط
وبيكون في 15 دقيقة لح يطرحو عليك اسئلة المختصين ولح يكون فيها اسئلة اختصاصية ليشوفو مستوى قوتك وفهمك لكل افكار بهالمشروع او يسئلوك عن بعض النقاط يلي اهتمو فيها..
لتحقق النجاح لازم يكون المستندات الخاصة بالمشروع مقنعة من حيث المحتوى
ويكون البريزنتاتسيون تبعك قوي وبيدل على فهمك المحتوى نسبة النجاح بتتحدد
انو تجتاز الفحصين
بتمنى من الجميع التوفيق

Be the first to comment

Leave a Reply

Your email address will not be published.


*