تجربة للقبول بالاوسبيلدونغ

#تجربة

انا انقبلت للسنة القادمة 2018 باوسبيلدونغ Fachinformatiker- Systemintegration بشركة 1&1
اولا شي لح احكي بشكل عام شلون قدمت وساويت اوراقي وهل أمور هي
اول شي انا عملت بيفربونغ والسيفي لحالي بدون اي مساعدة حدا ولا حتى جوب سنتر اصلا جوب سنتر ماعندو علم اطلاقا بيلي عم اعملو
راسلت تقريبا اكتر من 80 شركة بكل المانيا اجاني رفوض كتير وصل العدد تقريبا لاكتر من 30 شركة انا كنت عم راسل على
Fachinformatiker- Anwendungsentwicklung اجاني دعوة من شركة وحدة بولاية بايرن
عملت مقابلة وحسيت انو قبلوني بس انا ما كانت عاجبتني المدينة

طلبو مني اعمل براكتيكوم بعدين بيقبلوني بس انا بوقتها كنت حابب يكون الاوسبيلدونغ بالمدينة يلي انا فيها
هلا منجي للمهمً مراحل يلي مرقت فيها لحتى انقبلت بشركة 1&1
هي:
1-Bewerbe Tag
2- erstes Vorstellungsgespräch
3- Zweites Vorstellungsgespräch
باليوم الاول كنا اكتر من 20 متقدم
المان واجانب عملت فحص صغير فيه وكل واحد اخد موضوع ولازم يحضرلو ويلقي
بالمقابلة الاولى هون كانت اهم مقابلة
هون انسالت الأسئلة الاعتيادية بالمقابلات والحمد لله كنت مرتاح فيها
بالمقابلة الاولى حضرتلها كالتالي
فتحت الغوغل شفت شو اهم الأسئلة فتحت عموقع الشركة قريت عنها من يوم تأسيسها لليوم هاد
فتحت عل يتيوب شفت نصائح كيف الشخص لازم يكون بالمقابلة من حيث حركة العيون الأيدين اللباس الأسئلة كل هاد ساعدني بالتحضير
بالمقابلة الاخيرة كانت الاصعب بالنسبة لالي
انسالت اسئلة كتير ساعة كاملة متواصلة بكم هائل من الأسئلة
الحمد لله تجاوزتها واجاني الموافقة بعد مقابلة الاخيرة بيوم

يلي بدي قولو انا انقبلت وماعندي اي خبرة سابقة بالاختصاص ابدا
حتى لغتي الانكليزية عادية جدا
بس هاد الشي كان بالنسبة لالي تحدي ما كان احباط
وصاحبين العمل اذكى من هيك صحيح ماكان عندي خبرة بس كنت فرجي بالمقابلة اني زلمة مستعد اتعلَّم وعندي اهتمام كبير بالشي يلي عم قدم عليه
الشغلة بلاخير بدها صبر كتيييييير لانو مرحلة الانتظار يلي مرقت فيها طويلة بس بدها صبر كتير
وبالأخير كل بياخد نصيبو

Be the first to comment

Leave a Reply

Your email address will not be published.


*