المقال يضم معلومات وافرة وغنية تطبيق لينكد ان وشرح لينكد ان شرح
- وكيف تبني بروفايلك بطريقة احترافية لنفسك وارباب العمل
- كيف تحقق اعلى استفادة ممكنة من الموقع
- كيف بتبني شبكتك المهنية
- كيف بتروج لنفسك
- افضل خيارات ليظهر بروفايلك لارباب العمل بنتائج البحث
- البحث عن عمل في المانيا وغيرها بشكل احترافي
منصة linkedin تستعمل بشكل اساسي للتواصل المهني والتطوير الوظيفي وبتسمح للباحثين عن عمل بنشر سيرتهن الذاتية وارباب العمل لنشر الوظائف
يجب عليك قبل كل شيء لينكد ان تسجيل دخول
متل ما منعرف الشركات اهم ممتلكاتها أو اصولها هيي الموارد البشرية وانظمة الموارد البشرية, هيي بتحدد نجاح الشركة او فشلها
ومتل ما الجيش بيجند الاشخاص للدفاع والهجوم
الشركة كمان بتجند الاشخاص عن طريق الاستثمار وزيادة الانتاجية والربح
رح استعمل مصطلح ” المجندين ” بلمقالة للدلالة عن الاشخاص يلي عم يدورو على افضل شخص ملائم لشغل محدد
ضمن الصناعة
ولحتا يكون عندك محاكاة كاملة لفكر ارباب العمل وخوارزميات البحث وهيكلة كاملة لبروفايلك على linkedin حاول تفهم المغزى من المعلومات المكتوبة وتعمل ربط بين الافكار لتقدر تطبقهن و يزيد حركة المرور ببروفايلك على linkedin
– استخدم Linkedin لتعرض ماركتك الخاصة ضمن الصناعة
وقت تبني حسابك لازم تفكر عن ماركتك الخاصة, ومنقصد هون بلماركة الخاصة فيك :
1- شو بدك من الناس بلصناعة يعرفو عنك
٢- شو متميز انت عن الآخرين ضمن الصناعة
مجرد ما عرفت ماركتك الخاصة, فينك تعبر عنها من خلال حسابك عل Linkedin
(( حسابك عل linkedin هوي فرصتك لتقديم سرد أوسع لنقاط قوتك وأسلوب عملك التكتيكي و الاستراتيجي ))
– لازم تعرف مين جمهورك – وشو هني المفاتيح والكلمات المفتاحية يلي بيجذبهن نحوك
انت وعم تبني بروفايلك, فكر مين يلي رح يقرأ عنك – متل اشخاص مماثلين الك بلصناعة او المجندين يلي عم يدورو على عقول لتستثمرك عندهن ضمن الصناعة, اذا كان هاد خيارك لازم تعرف شو لازم المجندين بيحبو انو يشوفوه ببروفايلك , سواء مهارات او خبرات او صفات او قيم
(( لحتى تعرف شو المطلوب منك من المجندين , عمول عملية بسيطة انك تعمل بحث عن الشغل يلي بدك ياه ضمن الصناعة بموقع Linkedin وتشوف المهارات المطلوبة وتدرسها وعأساسها تبني بروفايلك عل Linkedin والسيرة المهنية CV))
(( فكر كمان اي من هلاعمال انسب الك بلنسبة للصناعة وشوف الكلمات الخاصة المستعملة والعبارات لتوصف هلشغل يلي عاجبك , هدول اسمهن Keywords مفاتيح لازم تستخدمهن بحيث المجندين اذا بحثو عن موظفين يلاقوك بلنتائج )) مثل مبدأ موقع الكلمات المفتاحية keyword tool
(( كمان ابحث عن ناس عم يشتغلو حاليا بلمجال يلي انتي حابو ضمن الصناعة وشوف المهارات والخبرات يلي حاطينها
عبروفايلن ومنها خود بعض المفاتيح ))
الكلمات المفتاحية الخاصة بلعمل يلي بدك ياه لازم تكون منتشرة بكل بروفايلك
بعد ما بحثت عن الكلمات المفتاحية كما مبدأ جوجل ادورد الكلمات المفتاحية
حطن بعنوانك الرئيسي والملخص وقسم الخبرات والمهارات وباي مكان بتشوفو منطقي بملفك الشخصي
بس بشكل منطقي , تأكد انو كلماتك الرئيسية بتتوافق مع بقية كتاباتك و مو هني مجرد كلام
سبب نشر الكلمات المفتاحية ببروفايلك لان المجندين بيستعملوها شي بيبحثو عن موظفين بقا لازم تعرفها انت بمجالك
ضمن الصناعة
– لا تمدح نفسك واشتغل عالاحصائيات
الاغلب بيحب يكتب عن نفسو بدون اثبات متل : انا بشتغل باجتهاد ومبتكر و مفكر وفعال
طيب اثبتت هلشي ؟
١- انا مبرمج مجتهد وعندي قدرة على حل المشاكل وبتحمل ضغوط العمل
٢- انا مبرمج اندرويد اتمكنت من عمل تطبيق تم تحميله من قبل مليون شخص على جوجل بلاي , رابط التطبيق فيكن تلاقوه هون
لاحظنا بلخيار التاني عطا المبرمج اثبات للحكي (( هاد مثال بسيط بيوضح الفكرة ))
اثبت المبرمج انو هوي مثمر ومنتج وقادر على الابتكار , بينما الاول مدح نفسو من دون اثبات
(( ما بيهم شو عملت علورق, بيهم شو عملت علطاولة )