تجربة طالب اختصاص مخابر وتحاليل Medizin Laboratorium Assistent

Medizin Laboratorium Assistent
طبعا اغلب الشباب والصبايا من أيام سوريا بحبوا يفوتوا شي بهل مجال (مختبر/تحاليل …إلخ)
الفرع هاد بيتألف من كتير مواد
*Anatomie :علم التشريح
*Histologie :علم الأنسجة
*Biologie
*Chemie
*Mathe
*Klinische Chemie
*Mikrobiologie

*Physik (بس بأول سنة)
*Physik Übung بكون بالمختبر وعبارة عن شغل بالايد
يعني عن الدارة الكهربائية/بناء بعض المجسمات بالإضافة إلى كتابة ال Protokoll بعض نهاية كل حصة
*Berufskunde كل شي قوانين بتتعلق بالشغل يعني حقوق وواجبات الموظف وصاحب العمل

*Krankheitslehre علم التمريض هون مندرس تقريبا نفس يلي بيدرسو طلاب التمريض
منجي لتفصيل المواد :
Mikrobiologie:بأول سنة وتحديدا بأول فصل الدرس بكون عن بعض البكتيريا من البكتيريا يلي موجودة بالتم والمعدة وعلى سطح الجلد
كمان عن ال Parasiten
أنواعها /خصائصها/أضرارها /كيفية الإصابة بها /طرق الوقاية
طبعا بالإضافة لل Mikroskop
كل نوع بنوعه بتشوفو تحت الميكروسكوب لأنو بامتحان العملي بال Mikrobiologie بتعطيك المعلمة نوع وأنت عليك تعرف اسمو والخصائص .
طبعا لحتى تتعرف عليه في بعض الميزات بكل Parasit من ناحية الشكل /الحجم إلخ.
الآن إلى مادة أخرى وهي Anatomie
مادة كتير حلوة وممتعة اغلبها حفظ بصم بسبب وجود العديد من الكلمات اللاتينية
هون بتتعلم اسماء العظام باللاتيني من اخمص القدم إلى الرأس طبعا بالتفصيل بالإضافة الى القلب والكلية بأول سنة.

مادة أخرى شيقة وهي Histologie
علم الانسجة
بالفصل الأول بتتعلم بس نظري وبالفصل الثاني بس عملي
طبعا العملي جدا ممتع،بيجيك أعضاء من الحيوانات (عين /قلب/كبد إلخ)
هون انت بدك تتعلم تستخرج الأنسجة يلي مطلوبة كرمال بالنهاية تقدر تنقلها على Präparat ومن بعدا تنصبغ في بعض المحاليل كرمال بالنهاية تشوف ال Zellkerne /Bindegewebe تحت الميكروسكوب .
رح يسال كتير عن طبيعة الاوسبيلدونغ
الاوسبيلدونغ او اجمالا هالمهنة بتكون schulische Ausbildung يعني فقط بالمدرسة من دون شغل .
بقلب المدرسة في نظري وعملي .
في ٦ اشهر وقت تجريبي يلي هو Probe Zeit هاد بكون اصعب وقت بكل الاوسبيلدونغ كرمال يحددوا مين خرج يكفي ومين لا .
الدوام ببلش من ٧.٤٥ الصبح للساعة ٤.١٥ بعد الظهر
طبعا بس استثناءات حسب البرنامج بس اجمالا بفترة ال Probe Zeit عندك ٣ ايامً بالأسبوع للساعة ٤.١٥ بعد الظهر.
مستوى اللغة؟
ما في مستوى محدد المهم بالمقابلة يشوفو انك متمكن من اللغة من خلال الحكي والفهم.
طبعا انت هون فيك تقدم على Bafög بخصوص التمويل او حسب الشخص ممكن يجيك دعم من ال Jobcenter .
بعض المدارس تطلب امتحان دخول والبعض الآخر ما ضروري .
المدة ٣ سنين اصعب سنة السنة الأولى.
بأول شهرين وح تلاقي شوية صعوبة بالاندماج وفهم طريقة التعليم والخ بس بعدين بتتعود عالجو شوي شوي .
اصعب شي انا شخصيا شفتو هو الفيزياء شبه مستحيل تفهم شي منو ناهيك عن انو موجود فقط بأول سنة يعني مو كتير مهم بس رح تعاني وبالأخص اذا المعلمة اخر هما.
بعد ال ٣ سنين في امتحان شامل بينعمل عند الدولة متل التاسع والبكالوريا عنا
الامتحان بيشمل ال ٣ سنين يعني من الجلدة للجلدة.
شروط القبول :شهادة صف عاشر مع علامات تكون اكثر من جيدة او شهادة بكالوريا بكون احسن منشان نسبة القبول تزيد.
اذا اي شخص حابب يستفسر شي كمان انا بالخدمة اخواتي

❤️

تحياتي