تجربة طالبة اخصائي اشعة MTRA

السلام عليكم، البداية كانت بيوم (Der Tag öffnen Tür) رحت علمدرسة المهنية بهاد اليوم مشان اتعرف علمهن الموجودة، ولاقيت مهنة فني الاشعة medizinische technische Radiologie assistenten( اختصار MTRA) تعرفت عليها وشو المواد الموجودة وعملت بعدين براكتيكوم 3 اسابيع بلمشفى قسم الاشعة، وقدمت بعدها البيفيربونغ للمدرسة. هلأ انا معدلة شهادتي البكالوريا علمي هون بإلمانيا ومعي مستوى B2لغة المانية، الشي الجيد انو المدرسة متعاقدة مع 20 مشفى تقريبا مشان يوزعو الطلاب عليهون نحنا 22 طالب، يعني مكان العملي مأمن، بعض الطلاب قدمو نفسهون لمشافي خاصة لانو بيعطوه مصاري شهريا للطالب يعني متل منحة، بس بيشترطو عليهون يشتغلو عندهون بس يخلصو الاوسبيلدونغ.

الاوسبيلدونغ هوه شوليشه اوسبيلدونغ يعني ما بتاخد مصاري شهريا من المشفى ولكن بحقلك تقدم بافوغ، والحلو انو ما بيشترطو عليك ترجع نص المبلغ بس تخلص متل الجامعة. الدراسة عبارة عن 3 سنين : 6 اسابيع نظري بلمدرسة و3اسابيع بلمشفى المواد الدراسية هنن: رياضيات، فيزياء كيمياء، شتاتس كونديه وبيغوف كونديه ( يعني متل القومية عنا وقوانين المهنة)، anatomie (علم التشريح)، انكليزي، علم احياء، علم الامراض( Pathologie) ، Strahlenschutz und dosimetrie( الحماية من الاشعة)، strahlentherapie( بتدرس جميع انواع السرطان والكشف عنو بلاشعة وعلاجو ) ،strahlenphysik(فيزياء الاشعة)، Bildverarbeitung،Röntgendiagnostik,

نظري وعملي ،هي المادة بتشرح الاجهزة الموجودة وكيف بتتصنع وكيف طريقة التصوير عمليا، Nuklearmedizin(الطب النووي), EDV( العمل علكمبيوتر) psychologie(علم النفس) المهنة بتتضمن 3 مجالات بتقدر تشتغل فيهون بس تخلص، اما بقسم الاشعة بجميع المشافي او العيادات الخاصة ( جهاز تصوير الاشعة العادي كتصوير الكسور، الطبقي المحوري، الرنين المغناطيسي، وتصوير الثدي) القسم التاني هوه معالجة السرطان بلاشعة، القسم التالت الكشف عن السرطان والامراض بشكل عام عن طريق حقن النظائر المشعة بلمريض (جهاز غاما كاميرا والتصوير المقطعي بلاصدار البوزيتروني. بلنسبة لخطر الاشعة كل طالب في عندو جهاز صغير بعلقو على تيابو بلمشفى بيتبدل كل 3 شهور وبينبعت على وكالة الطاقة وبيفحصو اديش مقدار الاشعة يلي اتعرضلها الطالب او الفني ضمن النطاق الامن، يعني انا مالاقيت في خوف لانو كتير في حماية للشخص، وبلنهاية المرض من الله. خلال فترة التدريب بلمشفى في دفتر ausbildungsnachweiß, بدك تكتب يوميا تقرير شو عملت، وبنهاية كل 3 اسابيع بتكتب تقرير عام، الدوام العملي اجباري واذا الشخص ماكمل الساعات المطلوبة منو. ما بيتأهل للامتحان النهائي. امتحان نصفي مافي بس بنهاية كل سنة في شهادة بلعلامات طول السنة. فرص الشغل كتير متوفرة وممكن كتير تلاقي شغل قبل ماتخلص دراسة بلمشفى يلي بتدرب فيها، والراتب جيد جدا. وبلأخير بتمنى التوفيق للجميع.