المهنة 25 Sozialpädagogik als Erzieherin معلمة صف


تجربة طالبة في اختصاص
Sozialpädagogik als Erzieherin
مهنة المربي (معلمة صف)

يسعد اوقاتكون
بايلول 2017 بلشت بدراستي باختصاص Sozialpädagogik als Erzieherin الدراسة اربع سنوات لانها Fachschule ومن دون اجر
السنة الاولى عبارة عن دوام يومين بالروضة و3 ايام بالمدرسة
السنة الثانية والثالثة كلها بالمدرسة في بكل فصل شهر دوام بالروضة السنة الرابعة كلها دوام بالروضة باجر تقريبا 900 يورو صافي شهريا
بالنسبة للسنوات الاولى بيقدم للبافوك وبيقبض شهريا 600 يورو
بالنسبة للمواد
المادتين الاساسيات EBG ومعناها Erziehung und Betreung gestalten
BHF ومعناها Berufliches Handeln fundieren
وبقية المواد هي
Religion
Gesundheit
Deutsch
Englisch
Spiel
Bewegung
Sprache
Ästetick
Musik
واخر شي Mathe هي المادة اختيارية عالفصل التاني من السنة والسبب انها اختيارية لانو بنهاية السنة الرابعة في امتحان اسموا Fachhochschulreife هذا الامتحان هو Abitur يعني شهادة بكالوريا وبيحقلك تكمل جامعة هيك بيكون الواحد ضرب عصفورين بحجر شهادة مهنية مع راتب مرتب وكسب شهادة بكالوريا احسن من معاناة الجمنازيوم
طبعا كمان مو كل مادة الها كتاب وانما احيانا في مواد بس فقط وراق مصورة وما بيكون الاعتماد دائما على الكتب
بالنسبة للراتب اول سنة عمل الراتب 2500 والصافي 1900 وكل سنة بيزيد راتبك
بالنسبة للعطل المدرسية فهي مأجورة وانت قاعد ببيتك
والحمد لله هون عطلون كثيرة بس طبعا الروضة اقل من المدارس بتعطل بالنسبة للدراسة في مذاكرات بالفصل الاول والتاني مو كل المواد طبعا والمواد يلي مافيها مذاكرة في الها وظايف للبيت تقريبا كل وظيفة اقل شي 6 صفحات
الديانة المسيحية اساسية حتى تعلم الاطفال طقوس الاعياد ومن هالقصص عندي تقريبا يومين بالاسبوع دوام بعد الظهر للساعة 4 في شي اسمو Praxisbesuch بكل فصل هو عبارة عن اعطاء درس للاطفال وبتجي انسة الصف بتحضر وبتقيمك افضل علامة 1،0 واسوأ علامة 6،0 بدها ارادة وتصميم وبالنسبة للعمل جدا مريح الاطفال تقريبا طول نهار لعب ورحلات وزيارات يعني فيها متعة والاطفال مو متعبين لانهم معتمدين عحالون بشكل وانا بالنسبة الي اخترت هالمهنة لاني محجبة وحجابي ماكان عائق الحمد لله لهلا ماواجهتني ولامشكلة بمجال عملي لامن الاطفال ولا الاهل بس كانت ومازالت مشكلتي هي اللغة العامية بالمدرسة الطلاب كلهم المان بيحكوا سرعة ودياليكت والمدرسات يلي معي بالروضة نفس الامر بس يعني حاليا الوضع افضل بكثير عن قبل خلال العام منعطل مثلنا مثل المدارس العادية وهذا الشي بيريح استراحة نفسية
عطلة الصيف شهر ونصف بيقدر الشخص يراجع معلوماتو بكل اريحية وبالنسبة للمدرسات يعني شي فوق الوصف متفهمين ومتساعدين وشو مابتعمل بيرفع من ثقتك بنفسك وانا بفضل رب العالمين كانت علاماتي كلها 2،0 ماعدا بالالماني 3,0وبهذا الفصل شديت عحالي اكثر حتى تكون معظم علاماتي 1 لانو هذا الشي بيهم عند التوظيف كل ماكانت علاماتك عالية فرص عملك افضل وشي مهم كمان فيك تكون او تكوني مديرة بالروضة وفي مجال للعمل غير الروضة وهي الهورت وبهايمات القاصرين ومأوى العجزة بس انا بحب الاطفال وبلاقي التعامل معهم اجمل بكثير من الكبار بتمنى كون حكيت كل شي وموفقي
اخر شي بحب قولو
انو الدراسة صعبة مالها سهلة بس بدها اصرار وتصميم ودراسة وشغلة سهلة جدا بالنسبة لباقي المهن مافيها وقفة كثير بس بدها لغة جيدة
وحبيت خبركم كمان انو البافوغ مافي داعي ترجعه بس تخلص الدراسة يعني مختلف عن البافوع الجامعي