المهنة 22 Technischer Produktdesigner مصمم المنتجات التقنية

تجربة طالب في اختصاص
Technischer Produktdesigner (Maschinen und Anlagen Konstruktion)
و الفرق بينها و بين Technischer Zeichner

بالبداية أنا عمري ٢٩ سنة متجوز و عندي ولد و ما معي شهادات كنت ساكن قريب دوسلدورف خلصت B1 و بلشت دور على اوسبيلدونغ بهوايتي يلي هي رسم آلات عن طريق برنامج رسم اسمو Solidworks بكورس اللغة جبرونا نعمل براكتكوم و هي كانت نقطة كتير حلوة بالمدرسة إنو لازم تعمل براكتكوم ١٥ يوم قبل فحص B1 دورت على مكتب هندسي قدمت على براكتكوم و قبلوني بلشت بالبراكتكوم و ستفدت كتير و اهم شغلة استفدت فيها إنو هون بالمانيا بيشتغلو ع برنامج اسمو Inventor تعلمت ع البرنامج و كان صاحب المكتب كتير مبسوط من شغلي حاول يسأل أزا فيه يعملي اوسبيلدونغ عندو ما مشي الحال لان هوة مالو مجهز امورو ليدرب عندو و بدو يسجل ب IHK فعتزر مني و بعتني ع شركتين بيشتغل معون قدمت بيفربونك و نرفضت ههههه بس ما يقست و بلشت دور من شمال ألمانيا لجنوبا كل يوم أبعت بفيربونغ لشركة لحتا قبلت شركة تعمل معي مقابلة كانت بعيدة عن بيتي 100 كيلو عملت المقابلة و وافقولي ع براكتكوم ليختبروني فيه مدتو شهرين مدفوع (٤٠٠€) دورت ع بيت قريب من الشركة لقيت بس كان في أسبوعين البيت ما كان فاضي فصرت روح و ارجع ع بيتي بهل الاسبوعين كل يوم ٢٠٠ كيلو طبعا الجوب سنتر ما رضي يساعدني باجار البيت لان عقد الاوسبيلدونغ ما كان مضمون إنّو يوافقو بلشت براكتكوم و حسنت اكتب عقد الاوسبيلدونغ من اول أسبوع .
بلشت بالاوسبيلدونغ ب ٠١.٠٨ كان اول تلت أشهر فترة تجريبية أضريت ارجع استأجر بيت بس هون دفعلي الجوب سنتر أجار بيتين ع بين ما خلص الفترة التجريبية بعد التلت أشهر انتقلت من مقاطعتي للمقاطعة يلي فيها الشركة و اخدت بيت بجنب الشركة و ارجعت سجلت بالجوب سنتر يلي بالمدينة الجديدة

بالنسبة للمهنة هية كالآتي :
اول تلت شهور علمونا ع المخرطة و ع الفريزة و الشغل بالمبارد و ساوينا المتور يلي بالصورة

بعد منها طلعنا ع مكاتب التصميم لنبلش بالرسم بعد ما تعلمنا عَل العملي

المواد بالمدرسة :
١- علم مواد ( كيمياء) Werkstoff Technisch
٢- فيزياء
٣-رياضيات
٤- رسم بالايد ( Freihandskizze )
٥- رسم 3D
٦- رسم مخططات القطع و مخططات تجميع الآلة Kommunikation
٧- سياسة
٨- علوم التصنيع Fertigung Technisch
وفِي عنا كمان كل أسبوع ٣ ساعات Werkunterricht بالمصنع يعلمونا فيون pneumatisch و كهرباء

شغلنا عبارة عن إنو نشوف طلب الزبون بالآلة يلي بدو ياها و نرسم الآلة و نعمل الها طريقتين أو اكثر ليختار بلي بناسبو بعد رسم الآلة ع برنامج الرسم 3D منعمل شرح تفصيلي عن الألة و طريقة عملها لنشرح للزبون الفكرة (Präsentation) مع عمل فيديو للآلة قبل التصنيع و حساب القوة و الاحتكاك و المحركات و التكلفة و الوقت

الاختصاص حلو كتير وصعب بس الحمد لله لهلق أموري تمام مع وجود شوية صعوبة باللغة لان يلي عّم ناخدو لا B1 و لا C1 ممكن إنّو الواحد ياخدو و كم معلومات هائل

الفرق بين Technischer Produktdesigner (Maschinen und Anlagen Konstruktion)و Technischer Zeichner
هوة الاول بصمم و بيعمل مخططات و التاني بتكون الآلة مصممة هوة بس عليه إنّو يعمل مخططات لتنفيز الآلة

Technischer Produktdesigner مقسوم قسمين قسم للالات يلي هوة (Maschinen und Anlagen Konstruktion)
وقسم تصميم منتجات متل هياكل السيارات من الخارج أو تصميم اي منتج من الخارج بدون ميكانيك ( موبيليا ، بلاستيك ،……)

و بالنهاية حبيت احكي عن تجربتي ليستفادو أهل بلدي فياريت لا تنسونا من الدعاء لان عندي فحص الشهر القادم علم مواد