تجربة طالبة في اختصاص
Pharmzeutisch Technisch Assistent
الاختصار PTA
الواحد بيشتغل بالصيدلية بالمركز الاول وصيدليات المشافي
معامل الكيميا مثلا وتصنيع الادوية
و. Krankenkasse
مطلوب شهادة العاشر الالمانية وطبعا اذا معك بكالوريا ففرص القبول اكبر
مستوى اللغة بين B1 ,و B2 حسب المدرسة ماتطلب
اوسبيلدونغ عبارة عن سنتين نظري بالمدرسة وبيتضمنون ١٦٠ ساعة براكتكوم بالصيدلية + دورة اسعافات اولية
واول ٦ شهور بالمدرسة هي فترة تجريبية اذا الواحد مانجح فيها مافيو يكمل واذا حابب الفرع بيرجع بقدم السنة يلي بعدا
وطبعا اذا الواحد اجتاز اول ٦ شهور بكون باقي نص سنة لتخلص اول سنة بس كمان لازم تنجح فيون بالمستوى المطلوب
والسنة التانية كمان اخر السنة لازم تنجح بالمستوى المطلوب لتتأهل للفحص النهائي وفي مواد ممنوع ترسب فيها ومافيك تتأهل للفحص النهائي (الكبير) بدونها
وبعد السنتين في فحص كبير(النهائي) بيتضمن السنتين كلا
وبس تخلص السنتين عندك ٦ شهور براكتكوم بالصيدلية باي مكان بالمانيا مافي مشكلة
بكونو هدول ٦ شهور مدفوعين بس اجر قليل
وبعد ٦ الشهور في فحص
لازم تنجح فيه لتتخرج
والفحوصات شفهية وكتابية وعملية بالمخبر
المواد خلال السنتين اغلب الاحيان بتكون نسخ من الانسة
وتقريبا بس 3_4 مواد بيعتمدو عالكتب
1-Arzneimittelkunde
عبارة عن مادة بتشبه العلوم
بتدرس فيها كيف الدوا بأثر على جسم الانسان شو التأثيرات الجانية شو الامراض الاكتر انتشارا
كل دوا كيف بأثر ووين وشو مضاعفاتو مثلا وشو الممنوع والمسموح معو سواء من اكل او ادوية تانية او انشطة
2-chemi كيميا
عبارة عن مادة نظرية (دروس نظري)
بيندرس فيها التفاعلات والحموض وكيميا عضوية
ومادة عملية (تطبيق بالمخبر)
حصص نظري وحصص عملي
3- Galenik
عبارة عن مادة نظرية
بيدرس الواحد الوصفات وانواعا وطبيعة المواد فيها
يعني. مثلا كيف بتعامل مع المواد يلي بالوصفة وبتكون بودرة او نوع شاي مثلا
والعملي منها بتتعلم الوصفات عملي وتتضمن مفردات لاتيني
حصص نظري وحصص عملي
4-Botanik علم النباتات
بتدرس النباتات وانواعا واجزائها واشكالا وكيف بتستخدما بالمجال الطبي واي نبتة لاي مرض بتكون
وفيها كتير مصطلحات لاتيني
5- Mathematik fachrechnen رياضيات
عبارة عن رياضيات وفي قسمين
رياضيات للكيميا
ورياضيات لل Galenik
حصصون منفصلة لذلك يعتبرو مادتين
٦-Ernährungslehre علم التغذية
بتدرس فيه عن العناصر الغذائية وكيف بتاثر عالجسم والسلبيات والايجابيات
هي المادة بس اول ٦ شهور بتدرسا
وتاني. ٦ شهور بتدرس بدالها
مادة اسمها körperpflegekunde
٧-Gefahrstoffe
مادة بتحكي عن المواد الكيمائية وشو الخطيرة منها وكيف. بتأثر على جسم الانسان وطرق الحماية منها
وفي الها لسا مادتين تابعين الها هدول بالسنة التانية بكونو اسمون
Pflanzenschutz /Umweltkunde
٨- Gesetzkunde القوانين
اول شي بتتعلم المفردات اللاتينية المهمة للمهنة
وبعدين بتصير تدرس القوانين المهمة للمهنة والمرضى والشغل
٩-physikalische Gerätekunde فيزيا
بتدرس فيها الاجهزة المستخدمة بالمهنة وطريقة شغلا وتأثيرا وليش بتستخدما
١٠- Wirtschaft اقتصاد
بتدرس عن krankenkasse مثلا ووظائفها
مثلا Sozialhilfe
١١- Deutsch الماني
بتدرس فيه طريقة الحكي الصحيحة من شان وقت تحاكي المرضى
١٢-EDV
بتدرس فيها طريقة العمل مع Rote liste و Gelb liste
عالنت عالكمبيوتر وعن طريق الكتب
*بالسنة التانية بيدخل انكليزي
و Sozialkunde
و Berufskunde
و. Apothrkenpraxis
طبعا هدول بدال كم مادة بالسنة الاولى بس ماعندي معلومات عنون
بس. هنن بكونو تابعين لمواد من السنة الاولى
الدوام كل يوم
تعتبر اوسبيلدونغ خاصة
بس في مدارس عامة يعني مابتدفعلا ولا هي بتدفعلك
اما غير اماكن انت بتدفع للمدرسة ف بتكون مدارس خاصة
طبعا الجوب سنتر مابساعد بشي لانها اوسبيلدونغ خاصة
لذلك بتقدم ع Bafög
بتاخد قرض اسمو schulgeld
وهاد مابترجعو بس تخلص دراسة
طريقة التقديم
بتبحث عالنت على مدرسة قريبة عليك
تسحب الطلب من النت وتعبيه
سيرة ذاتية
شهادتك مصدقة والهوية والجواز مصدقين من Rathhaus
ووصور شخصية
وشو معك شهادات تانية تدعمك
وبتحطون ب Mape تبعة Bewerbung وبتبعتون بالبريد
والتسجيل بيفتح مرة بالسنة
المدارس اما بتعملك مقابلة وبتقيمك وعلى اساسها بتتقبل او بتنرفض
او فحص قبول (فيزيا، كيميا، رياضيات)
كل شي fachbgriff
باي مادة بدك تحفظو بصم
سواء الماني او لاتيني او انكليزي
وانت مثلا بدك تفهم كل شي ب Hochdeutsch
ووقت يسالك المريض بدك تبسطلو الحكي وتحكي بمفردات سهلة ومفهومة
اسئلة الفحص او المذاكرة مو كلا مباشرة في منها عبارة عن مواقف وانت بدك تستنتج اي حالة واي مرض مثلا
ولازم تكتب متل بالورق شو مكتوب
دائما في وظايف وفحوصات شفهية مفاجئة
ومذاكرات
وفي شي اسمو Tagesbuch
لازم تكتب فيه كم موقف من الصيدلية صارو معك
الفحص الكبير يلي بعد السنتين بحقلك تعيدو مرة وحدة بس
بس تتخرج
فيك تعمل weiterbildung
وفي ٥ مجالات
او تكمل بالجامعة كالتالي
اذا خلصت اوسبيلدونغ ومامعك بكالوريا ف لازم تشتغل سنتين او 3 سنين بعدين تقدم عالجامعة لتدرس صيدلة او استاذ كيميا وبتدرس السنين كلا ويلي هي 4 سنين
ومو كل الجامعات عندا هل الميزة
ووقت بتقدم عالجامعة
الجامعة بتشوف شو جايب علامات بالاوسبيلدونغ
ولازم مثلا العلامات تكون 1.5 /1.6/2
اذا خلصت الاوسببلدونغ وشهادتك البكالوريا معترف عليها
ف فيك تقدم فورا عالجامعة ومابيطلعو على علامات الاوسبيلدونغ بيطلعو على علامات البكالوريا
يعني بتفوت على اساس البكالوريا وبشوفو بس انك متخرج من الاوسببلدونغ بس مابهمون علاماتها
اوسبيلدونغ صعبة ومو سهلة ابدا
وبدا تعب وحفظ كتير
بس حلوة وممتعة
في شي اسمو Tag der Öffnen Tür
بكون يوم مفتوح لتزور المدرسة وتشوف شوفي فيها
في كتاب علم النباتات اذا حابين تبلشو فيه
بس المشكلة مابعرف اذا كل المدارس نفس الكتب
بس عكل الاحوال راح يفيدكون كتير
سعرو شي 20€
فيكون تروحو عالمكتبة وتعطوها رقم ISBN يلي بالصورة وهي بتتطلبو وبس يوصل بيبعتلكون ايميل تجو تاخدوه
الرقم تبع الكتاب
ISBN 3-8047-1649-0
واسمو
Botanik füe Pharmazeutisch – technische Assistenten
او انتو تتطلبو من النت
وباقي المواد انا مافيني صور لانو هي كوبيات من عند الانسة وماعنا كتب الها
لذلك مابعرف اذا حتدرسو نفس الشي
فيني قلكون بس:
1 راجعو كل اسس الرياضيات والتحويل والفواصل
2 راجعو ااساسيات الكيميا وحفظو اسماء العناصر والاحماض (رمز العنصر واسمو بالكامل )
3 كل اعضاء الجسم بالالماني واللاتيني
4حاولو تعرفو كمان كل انواع الامراض بالالماني شو اسمها
5 اذا ما بتعرفو منيح بالكمبيوتر حاولو تقو حالكون
6 في كتاب Artneimeittelkunde يلي بيشبه العلوم
اذا حابين تحفظو منو ال fachbgriff مثلا
وتاخدو نظرة عن المادة
سعرو شي 50€ ومطلوب عنا بالمدرسة
ISBN تبعو
978-3-8047-3018-2
اما غير مدارس مابعرف
اسم الكتاب
Fertigarzneimittelkunde
الراتب بعد التخرج
بيتراوح بين 1500 لل 2000 بروتو وممكن ان يصل إلى 2500
وطبعا بزيد مع زيادة الخبرة والسنوات واديش شاطر بالشغل
وكمان وقت بتعمل weiterbildung
كمان بزيد الراتب بنسبة منيحة
وهي بعض الصور عن مفردات اللاتيني يلي لازم تنحفظ بصم بمعناها الالماني والعربي
ووصور الكتب
بالتوفيق جميعا
