تجربة طالب في اختصاص نكنولوجيا التشغيل الآلي
Elektroniker für automatisierungstechnik
اليوم حابب خبركن عن تجربتي بالأوسبيلدونغ في شركة VW- Osnabrückباختصاص تكنولوجيا التشغيل الآلي ( Elektroniker für automatisierungstechnik ).
قبل ثلاث سنوات وصلت لألمانيا، و تعلمت اللغة الألمانية لمستوى B2.
قبل سنتين بلشت دور على أوسبيلدونغ وسمعت أنه الشركة عاملة يوم للتعريف على فرص اللأوسبيلدونغ عندها. بهل زيارة لفت نظري هل شغل وبحثت عنه اكتر بالأنترنت وعجبني.
براكتيموم بهل مجال ما كنت عامل، بس البراكتيكوم عامل مساعد كتير.
تقدمت للشركة وأرسلت الطلب لموقع الشركة.
بنظام الشركة بيستدعوك لاختبار نظري بتعلق ب:
• أساسيات الرياضيات وعلم القياس والمساحة
• اختبار بأساسيات الفيزياء من موازنة أذرع، مسننات، وأشياء تحتاج تحليل منطقي ما صعبة بشكل عام.
• اختبار لغوي بسيط و هو عبارة عن نص بسيط يحتاج تصحيح (B1) .
الاختبار بشكل عام ما صعب لكن الوقت ضيق شوي.
بعد تجاوز الاختبار يستدعوا قسم من المتقدمين لمقابلة، وبهل مقابلة:
• أسئلة عن الشركة والاختصاص. و لي اخترت هل اختصاص
• يسألوا عن حلول ممكنة لمشاكل ممكن تتعرض لها بالعمل، غالباً حول علاقتك بزملائك أو حلول آمنة وسريعة.
بعد المقابلة بفترة قصيرة خبروني انو حصلت على الأوسبيلدونغ.
ومن الشهر التامن وانا بداوم يومين بالاسبوع على المدرسةو بالمدرسة نتعلم كهرباء وفيزياء بشكل أساسي، إضافةً للألماني والإنكليزي.
و ثلاث أيام بدوامها بالشركة بمنطبق فيها الي اخدنا بالمدرسة، بالإضافة لبعض المقررات بتتعلق بشغلنا بالشركة. (كهرباء وهيدروليك وبرمجة).
بشكل عام لازم يكون مستواك باللغة والفيزياء جيد ، وبدها دراسة ومتابعا بشكل يومي.
الراتب يختلف من شركة لشركة، لكن أنا بأخذ بأول سنة 950 وكل سنة بزيد 60 يورو.
مدة التدريب ثلاث سنوات ونص وبعقدي انا اذا بأخذ علامة 4 على الأقل بتوظف عندهن بشكل تلقائي
بشكل عام الاختصاص ممتع وبعد التدريب في عدة طرق للتطوير
بالأخير بتمنالكن التوفيق ويلي عندوا عندوا أي استفسار أنا جاهز