المهنة 20 Altenpflege helfer رعاية كبار السن


تجربة طالب في في رعاية كبار السن
Altenpflege helfer

اخي حابب شاركك تجربتي بالتقديم على اوسبيلدونغ رعاية مسنين اذا حابب تنشرها بس بدون اسم لو سمحت ،انا لما خلصت الb2 وقلت للجوب سينتر اني حابب اعمل اوسبيلدونغ بهالمهنة بعتوني على مدرسة خاصة لمواضيع الرعاية ، بهالمركز عرضوا عليي اوسبيلدونغ لمدة سنة altenpflege helfer وقالولي بنطالعلك شهادة سواقة كمان وبتكون مساعد وبعدين بتعمل اوسبيلدونغ كممرض اساسي ، وقالولي بعد هالسنة فينك تكمل اوسبيلدونغ 3 سنين altenpflege بتصير اختصائي تمريض مسنين ، قلتلن انا مابدي كون مساعد مابدي ضيع سنة عالفاضي بدي اعمل اوسبيلدونغ بشكل مباشر ، قالولي رغم انو معك شهادة b2 لازم نعملك فحص لغة كتابي وشفهي لان هالمهنة فيها مسؤولية طبية وهنعملك فحص معلومات طبية عامة و صوروا شهادة الجامعة السورية وشهادة الb2 ، فعلا عملولي اختبار لمدة ساعتين شفهي وكتابي ومعلومات طبية واختبارات عن الامراض الشائعة للمسنين وكيفية التعامل معن واسئلة بدها طريقة جواب ذكية اكتر من انو يكون الجواب صح ، انا طبعا كنت محضر حالي لهيك اسئلة و بحسب شغلي لسنين طويلة بمشفى بسوريا بالمحاسبة والصيدلية صار عندي معلومات منيحة بالمجال الطبي ،بعد الاختبارات يللي عملولي ياها وافقولي اعمل اوسبيلدونغ بشكل مباشر هيبدأ اذا الله راد الشهر الجاية وقبله هاعمل براكتيكوم اسبوع واحد باحد مراكز رعاية المسنين ، قالولي هالبراكتيكوم لتشوف اذا عجبك المركز منشان تكمل فيه ايام العملي خلال الاوسبيلدونغ . راتب اول سنة 837 وكل سنة بيزيد حوالي 60 يورو . هي مهنة برأيي عملية لمحبي الرعاية والتمريض بس للجماعة يللي بيقرفوا ما نصيحة لان بالمانيا حتى الممرض العادي بالمشفى بدو يحلق وينضف ويطعمي المريض لان هون مو متل سوريا ، المريض مسؤولية المركز ومافي متل سوريا يجو اهل المريض يطعموه وينضفوه ويحمموه والخ ، يعني مو بس رعاية المسنين فيها هالشي ، حتى التمريض العادي .

لمزيد من التفاصيل حول مهنة رعاية كبار السن :
انقر هنا للوصول لمعلومات عن المهنة