المهنة 10 Zerspanungsmechaniker فني حديد

نعرض اليكم بعد اراء طلابنا السوريين المشاركين في التدريب المهني والتعليم المزدوج للمهن
سيكون هنالك سلسلة للمهن حسب آراء السوريين
#من_خبراتنا
المهنة رقم 10 #Zerspanungsmechaniker
in für #Drehmaschinensystemer فني تصنيع معادن

انا من شهر العاشر 2015 خلصت دورة اللغة ومن وقتها كان حلمي اختص بميكانيك طيران بس حلمي ماتحقق بسبب اني جاي من بلد فيها الحرب ولسى ناقصني مؤهلات لهيك اختصاص
وتحطمت لان ماعاد اقدر ادور على اوسبيلدونغ لسنة تانية من وقتها رحت كملت اللغة المانية شي ثلاثة اشهر من انتهت كورس لغة فا من وقتها صرت محتار في اي مجال ادخل فا حطيت خبرعند مكاتب Beratung وعند Agentur für Arbeit فصارو يبعتولي عروض مشان اسوي براكتيوم ,اجاني عروض مختلفة وماعجبوني فا بيوم من ايام نادتني موظفة اجتماع بكمب وعطتني عرض براكتيوم بشركة اسمها Abb برلين لساوي براكتيكومات بكتير مهن مثل كهربا Pneumatik Technische Zeichnungen و Industriemechaniker و zerspanungsmechaniker
فأنا عجبني تقريبا كلهم وبعد وأثناء براكتيوم مدير شركة قال انت ماعندك محل عنا لان لغتي ضعيفة وماعندي خبرة بل مهن ونصحني مدير شركة اني كمل براكتيوم لحتى تنتهي واخد شهادة لان شهادة براكتيوم كتير مهمة مع العلم مامعي شهادة غير تاسع وقبل ماتخلص براكتيوم لي مدتها ستة أشهر بشهرين بلشت اكتب Bewerbung بجميع مجالات لي تعلمتها وصرت ابعت لشركات تقريبا بعتت لشركات كثيرة عدد كبيرومااحدا وافق مشان ماعندي شهادات كافية فبشهر تاسع شفت عرض على انترنت شركة ان ناقصهم واحد فأنا كنت متحطم عرفان مارح يوافقو مع ذلك بعتت اوراق و Bewerbung. و الشركة حمد الله وافقت وانا هلا من شهر تاسع مبلش بل duale Ausbildung بمجال zerspannungsmechaniker
هي مهنة اول شي بدون براكتيوم مستحيل تفهم شي انا اللي ساعدني اني عامل براكتيكوم فيها ومصطلحات جديدة بالعربي ماتعرف معناها لذلك مهم جدا البراكتيكوم
والسنة الأولى بتكون بمعهد ومدرسة فيها نسبة كثير من azubis بمهن مختلفة غير لي انا مختص فيها نظامها اسبوعين بمعهد واسبوع في مدرسة وسنة جاي اسبوعين في شركتي واسبوع بمدرسة
وصعوبات لي فيها هي دروس نظري حتى المان يواجهون صعوبة وحتى بالمدرسة بيعلموو واحد مصطلحات مهنة باللغة انجليزية
ودروس رياضيات كمان في صعوبة لان رياضيات هندسية ومش رياضيات لي تعلمناها اما بالنسبة للعملي كتير سهلة لان عندي خبرة ستة شهور لي سويتها بل براكتيوم
بالعملي مبدئيا نشتغل على ماكينات اسمها بالعربي فارزة و خراطة Drehmaschine und fräsmaschine
وبعد سنة نشتغل على ماكينات اسمها cnc
ماكينات cnc هي ماكينات تعمل مع القطع المعدنية بإستخدام الكمبيوتر
شي لي نساويه هي صناعة قطع سيارات او قطع مكنات كل شي يتعلق بالمعادن نشتغله
المهنة كتير لازمها دقة وهي مصلحة جدا مميزة للتعلم
مدة الدراسة تقريبا 3 سنين ونص
سلبيات هالمهنة انو التعامل اغلبو مع ماكينات ومافي تواصل كتير مع العالم