المهنة 4 Elektroniker تقني كهربائي ومباني

نعرض اليكم بعد اراء طلابنا السوريين المشاركين في التدريب المهني للمهن
سيكون هنالك سلسلة للمهن حسب آراء السوريين
#من_خبراتنا
المهنة رقم 4 #Elektroniker

بالنسبة للإختصاص اسمو
Elektroniker, Fachrichtung Energie und Gebäudetechnik
هاد الإختصاص هو الكهربائي وتقني الطاقة للأبنية بس طبعا المصلحة الواحد بيتعلمها بحرفية وبتقنية ضمن شركة وبتجيك شهادة بنهاية الشغل بتقدر تشتغل عمل مستقل لحالك يعني ك مستقبل كتير ممتازة
طبعا متل كل العالم بتبعت خطاب وظيفي للشركات
بعدين دعوني لمقابلة وخبروني انو العمل صعب ورح يكون في ورشات خارجية والعمل مو كل شخص بيقدر يشتغلو بس انا وافقت
بس بلشت شغل حسيت بالصعوبات والسلبيات
من شغل وسفر وعمل ضمن شروط صعبة ورجعة بنفس اليوم
هلأ ممكن ازا كان العمل مجهد وصعب نرجع ممكن المشرف يحجزلي بالاوتيل لنام لتاني نهار السلبيات اللي بتواجهنا بهالمهنة هي شي اسمو
Montage
وهو تركيب الكهربائي والبحث عن العطل ضمن الدارة لازم لحالك تشتغلو وتزبطو المشرف تبعك بيجي بشوف بس الشغل كلو عليك بدو تركيز عالي
وتكون دقيق للتركيب النهائي واحيانا المشرف ما بيكون معك ف لازم تكون عم تشتغل صح !!
بالنسبة للغة انا عامل مستوى لغة بي زفاي
الايجابييات يلي انا شايفها انو شغلة منيحة الواحد بيحسن بأي بلد يشتغل فيها
يعني وين ما راح غير ألمانيا ورواتبها لا بأس بها
بالنسبة للراتب بهي المصلحة أول سنة 620 التانية شي 650 التالتة 730
بعد التخرج بيكون الراتب 1600 -1900 طبعا هاد الحكي اول ما تخلص بس كل ما عملت خبرات وتعلمت بالمصلحة ممكن يتحسن راتبك ليصل لـ 3000
بالنسبة للدراسة لازم تكون قوي بالرياضيات فيزيا كيمياء
كمان في سلبيات انك مضطر تشتغل ضمن كل شروط البرد وتلج والشمس بس انا شايف انو مستقبلها كتير حلو