المهنة 2 Zahnmedizinische_Fachangestellte مساعد طبيب اسنان

نعرض اليكم بعد اراء طلابنا السوريين المشاركين في التدريب المهني للمهن
سيكون هنالك سلسلة للمهن حسب آراء السوريين
#من_خبراتنا
المهنة رقم 2 #Zahnmedizinische_Fachangestellte

انا بلشت الاوسبيلدونغ من8 /2016 وهو عبارة عن مساعدة طبيب اسنان
هالمهنة كتير حلوة و ممتعة انا حلمي ان ادرس طب اسنان و لسا ما قدرت بلش جامعتي لهيك دخلت بهالمهنة
الوظايف يلي ممكن انا اعملها كتيرة و متنوعة ممكن كون بالمعاينة و بهالحالة انا بكون يد الطبيب اليمنى … و بقوم بكتير مهمات بالمعاينة و العلاج ..
ممكن كمان استلم امور ادارة العيادة كالحسابات و الصادر و الوارد و كل الامور المكتبية ..
بالاضافة للتعامل مع المرضى و ادلاء النصائح و ارشادهم بكتير مجالات …
هالشغلة مدتها 3 سنوات الراتب فيها ببلش من 610 و بيرتفع كل سنة مقدار معين
بياخدو الطلاب بعد صف العاشر و من ناحية اللغة انا بنصحكم بمستوى عالي اكثر من b1 لان المواد كثيرة و بدا تعب كتير و بالاضافة لاني بكون دايما مع المرضى و لازم اتواصل معن بسلاسة و طلاقة لهيك انا بلشتا بعد c1 الدوام بكون يومين بالمدرسة و 3 ايام بالعيادة او بالمشفى الطبي للاسنان
من ايجابيات المهنة للشخص يلي عندو بكالوريا ممكن يختصر الوقت و يتعلمها بسنتين و انا عم ساوي سنتين و لان علاماتي ممتازة اجاني عرض اني اختصر كمان 6 شهور بس يمكن ما اخدو لان حيصير ضغط كبير عليي ان اتعلم مواد ال 3 سنين بسنة و نصف ..
لكن من الصعوبات هي ان رح تتعلمو فيها مواد باللغة اللاتينية و رح يزيد هالشي من الحفظ و التعب و فيها رياضيات و محاسبة .. تاريخ و انكليزي .. اجتماعيات و ادارة العيادة .. و فيها مواد خاصة بالطب و الى ما هنالك
بالاضافة ان عندي دفتر لازم اكتب فيه عطول شو تعلمت و ايمتا التاريخ و بوقت الامتحان بيقدرو يشوفو شو ساويت انا بفترة تعليمي كلها
المهنة ممتعة و سلسة لكن بدا دراسة عطول و صبر و بال طويل