المهنة 1 Zahntechnik فني اسنان

نعرض اليكم بعد اراء طلابنا السوريين المشاركين في التدريب المهني للمهن
سيكون هنالك سلسلة للمهن حسب آراء السوريين
#من_خبراتنا
المهنة رقم 1 #Zahntechnik
انا بلشت ب الاوس بيلدونغ ١/٩/٢٠١٦ تخصص ب فني الاسنان او تعويضات سنية Zahntechnik , هوعبارة عن : تركيب جذور للسن او ميناء للاسنان او نعمل مديل كامل للاسنان….الخ. طبعا بلنسبة للشغل فيها بدها تركيز كتير وصبر وبدها شغل بهدوء وبنفس الوقت بسرعة ، يعني كل موديل بيجي ع المخبر الو وقت محدد للتسليم ! والشغل بلمخبر رح يكون خلال الاسبوع ب الايام الي مابكون فيها دوام ب مدرسة الشغل الي هي Berufsschule ، رح يكون الدوام بلمدرسة كالتالي اسبوع يوم واحد واسبوع يومين ،
طبعا بيختلف من مدينة لمدينة ، مدة الاوس بيلدونغ ٣,٥ سنة ، في امتحانين، نصفي وامتحان اخير ، وفي بلمدرسة مخبر للتدريب كمان ، والراتب بكون من ٤٥٠ اول سنة وبزيد كل سنة . والي بحب يكون الو مخبر هون وشهادة يحقلو مخبر يفتحو لازم يكون معو مايستر Meister في الها مدارس خاصة للمايستر ، بتقعد مدتا من سنة ل سنتين طبعا بعد الاوس بيلدونغ .
رأئي هو انو فرع ممتاز بس بدو الشخص كتير يتعب فيه لانو اللغة فيها صعوبة كدراسة مصطلحات وبنفس الوقت تركيز بلشغل ، بلنسبة الي بشوفا الها مستقبل حلو ومهنية كل يوم فيها شي جديد لهل الوقت ، والشغل بلمخبر كتير حلو وبيختلف من مخبر ل مخبر وحسب الاشخاص الي فيه ، وكدراسة فيها صعوبة اكيد بس بدها تعب لتوصل للي بدك ياه . وبلنسبة للغة انا معي B1 وهل الشي بيختلف اكيد لانو من الحكي ببين اذا B1 معك وبتحكي منيح ف هاد كافي . وبلنسبة للشهادات بدن ١٠و ١١ او بكلوريا علمية واذا ماعندك فيك تدخل المدرسة بدون شهادات وهل الشي المدرسة بتقرر اذا تعمل براكتيكم او بدون .