تجربة طالبة في اختصاص sozialassistent


السلام عليكم
عم بدرس sozialassistent وحابة احكيلكم عنها
مدتو سنتين
المطلوب للقبول بالمدرسة بختلف من مقاطعة لمقاطعة بس الاغلب بطلبو صف عاشر
بالنسبة للغة للمدرسة تبعي ما اهتمت للغة يعني شهادة b1 او b2
عملت المقابلة مع المديرة وشافتني اني بفهم عليها وقدرانة رد . انا كنا مخلصة b2 بس مو طالعة النتيجة
بس نصيحة مني انو يندرس b2 بترتاح بالمدرسة اكتر
لانو الكلمات كتار وكلو جديد بس بنحفظو مع الوقت
لازم نعمل 4 Praktikum
اول سنة 2 بالروضة او بالهورد
والسنة التانية واحد بدار العجزة والتاني عند ذوي الاحتياجات الخاصة
في نوعين للمدارس مدرسة خاصة ومدرسة حكومة
مدرسة خاصة لازم تدفع انت مصاري كل شهر وهالشي الجوب سنتر ما بمولو
بس مدارس الحكومة ببلاش وهي اسمها( Berufsschule )
بالمدرسة مافي راتب للشخص بس بتقدر تقدم ع (Bafög) يلي هو قرض طلابي بس بهاد المجال مانك ملزم ترجع المبلغ يلي اخدتو
بالنسبة للبنات مافي اي مشكلة ع الحجاب
انا نرفضت كتير اول شي بس بالاخير نقبلت والحمد الله مافي مدايقة ع الحجاب
والشغل بتقدر تشتغل بروضة ك مساعد/ة
بس مو كل المقاطعات بصير هاد الشي كل منطقة شكل لازم تسال قبل ما تسجل
وشغل بدار العجزة او بهايم للاطفال
انا عم بدرسها عشان كمل Erzieherin

المواد يلي بناخدها طبعا مافي كتب كل انسة بتجي بتعطينا ورق او بنكتب من اللوح وهي المواد :
_ Deutsch:
بناخد فيه كيف بنكتب صح وقواعد
وكيف بنكتب بريد بس اكتر شي مركزين عليه القواعد ويلي دراس منيح بالكورسات ما بتغلب ابداً بهي المادة طبعاً مو هالقواعد الصعبة.
_Englisch:
هي المادة في كتاب بس ممنوع ناخدو ع البيت
بناخد فيه كل شي بخص هاد المجال
مبدئياً بلشنا ازا رحنا عملنا مقابلة كيف بنعرف ع حالنا
بالنسبة الي صعب لانو ما عم بقدر ركز لغتين بنفس الوقت
Ernährungslehre:
هي مادة التغذية كتير ممتعة وكلماتها سهلة
بنشرح فيها عن البروتينات والسكريات والفيتامينات … (المواد الغذائية ) واهميتها
وبناخد انواع الفواكه الخضار يعني تقريبا كل شي بخص الاكل ووظائفو
_ Fachrechnen:
هي رياضيات فيها مسائل تبعون اللتر والغرام وهدول التحويل

_Hauswirtschaft :
بناخد فيها انواع الاقمشة وكيف بنغسلهن ع اي درجة وبأي درجة بنكويهن ، كل الاقمشة قطن حرير كتان ….
هي المادة بس متخصصة بالاواعي وغسلها
_ sprecherziehung :
بنتعلم كيف نلفظ صح وكيف نضلنا محافظين ع صوتنا لانو بالروضة بدنا نضل نحكي ٨ ساعات
وكيف نقرا قصة صح مع صوت واضح تعابير وهيك
-kochen :
الطبخ في نظري و عملي
نظري الوصفات واديش الكميات حسب عدد الاشخاص والعملي التطبيق
Ethik :
اخلاق بناخد فيها القيم والمبادئ وكيف بنقدر نوصلهن للطفل بشكل صح يعني مو بس حكي لازم نطبق قدامو عشان يتعلم
_Sozial und Rechtskunde :

تقريبا كل شي عن سياسة المانيا وانواع الحقوق ( حق عام وخاص ) ومثلا لما يصير معك مشكلة وين بتروح حسب نوعها للمشكلة
وقوانين المانيا (Grundgesetz)
_Erziehungslehre :
التربية : انواع مجموعات الاطفال وانواع شخصيات الاطفال وكيف نتعامل مع كل واحد
وكيف مراحل مجموعات الاطفال بتكون بالروضة او المدرسة
_ Gesundheitslehre :
صحة : انواع اللقاحات وانواع الامراض واسبابو واعراضو وكيف بنعالجو ( اغلب الامراض بتخص الاطفال )
واخدنا عملية الهضم بالتفصيل
هي المادة صعبة شوي لانو فيها كلمات لاتينية والكلمات الالمانية صعبة كمان بس يعني مع التكرار لقيتهن بنحفظو معي
_ Pflege :
اخدنا الاسعافات الاولية مثلا لو اجت جلطة او صابتك دوخة او لما تنجرح وانواع الجروح
وهلق عم ناخد كيف بنغير للاطفال وبنغسلهن

_Datenverarbeitung :
هي المادة ع الكمبيوتر عم نتعلم ع word
_Mathe :
رياضيات : كسور وجمعها وطرحها ومعادلات والاحجام والمساحات ….
_Kunst_und Werkziehung :
الفن بناخد فيه شو بنقدر نعمل مع الاطفال ( فنون يدوية ) كلها تقريبا بالالوان وبنلون بالتراب.
وكمان ع عيد راس السنة عملنا اكليل عيد الميلاد( Advenskranz)
Werkziehung
هي عبارة عن نجارة بنعمل فيها مثلا لافتة او لوحة بتكتب عليها اسم وبننشرها
او عملنا ع عيد راس السنة (شجرة عيد راس السنة ) بالخشب
Fest und Feiergestaltung
اعياد ومناسبات :
بنتعلم فيها كيف نظم عرس مثلا وشو بنحتاج وكيف نظم جدول للمطلوب واديش التكلفة يعني ميزانية لكل العرس طبعا العرس مثال هو
وامتى الاعياد ولييش هي الاعياد موجودة
_ Musik
الموسيقى : بنتعلم اغاني يلي بنقدر نغنيها مع الاطفال يلي بكون فيها حركة كتير وبنتعلم ع ألات موسيقة بسيطة مثلا هاد المثلث والطبلة ….
بس في شي اساسي عنا مو بكل المدارس موجود هو انو نتعلم ع الجيتار وطبعا هاد لازم مو اختياري عنا.

وفي خياطة و فن
خياطة من البداية طبعاً والفن عملنا فيه تقويم للاشهر (Kalender) من الورق ومواد كتيرة وبس تخلص بدك تعمل (Reflexion ) ع الكل التقويمات يعني من شو مصنوعة وعجبتك ولا لا ونضيفة ومرتبة …..

وفي دفتر تبع البراكتيكوم لازم نكتبو احنا كيف النظام اليومي بالروضة وبدك تراقب خمس اطفال وتحكي عن مواقف عملوها وشو الالعاب يلي بلعبوهن ولشو بتفيد .
بالنسبة للصعوبات يلي واجتها اللغة لانو ببداية السنة يحكو بسرعة كتير وينقلو تنقيل يعني الانسة تحكي واحنا نكتب
بس مع الوقت صرت احسن بالكتابة والفهم الشغلة بدها وقت ودراسة طبعاً
والمواد العلمية هي اصعب شي لانو كلمات جديدة واحيانا بلاقي صعوبة بقرائتها
الله يوفق الجميع